KOCHA WA UJERUMANI AMWAMBIA PODOLSKI ASIPOTIMKA ARSENAL MWEZI JANUARI ASAHAU KITU KINAITWA TIMU YA TAIFA

Soka la kimataifa kwa mshambuliaji wa Ujerumani, Lukas Podolski liko mashakani iwapo hatatimka Arsenal mwezi Januari.

Podolski amekuwa nje ya mipango ya kocha Arsene Wenger, jambo linalomfanya aonekane kwa nadra sana kwenye kikosi cha Arsenal msimu huu.

Bosi wa Ujerumani Joachim Low amemuonya Podolski kuwa nafasi yake ya kuitumikia Ujerumani itakuwa hatarini kama hatakuwa na nafasi ya kudumu kwenye kikosi cha Arsenal.

Lukas Podolski ameichezea Arsenal mechi nne tu msimu huu, tena zote akitokea benchi na tayari mchezaji huyo ameweka wazi kuwa yupo tayari kwenda kusaka changamoto mpya sehemu nyingine ili kuokoa soka yake.

Onyo la Joachim Low linategemewa kumfanya Podolski aongeze spidi ya kutimiza azma yake ya kuondoka Arsenal.